نكــــــــــــــــــت سياسيه طحن

الرئيس مبارك كان في زياره لدوله خارجيه وطول فيها فاتصل بنظيف وقاله اي احوال البلد قاله يا ريس الناس تعبنين قوي ومش لقين حتي الظلط يكلوه قاله خلاص ما تنساش تدي توكيل الظلط لعلاء
-- ----------------------------------------------------
مرة واحد مـسـيـحى سـأل الريـس : هو يـنـفع مـسـيـحى يـبـقى ريـس ؟
قـالـه : ولا مسـلم يــاروح أمـك
------------------------------------------------------
مرة الريس كان فى لقاء لشباب الجامعات
فسأل طالب : تحب تطلع أيه ؟
قاله: وزير يا فندم ..... ، الريس قاله : أنت عبيط يابنى ؟..
رد الطالب : هو ده شرط ..!!
------------------------------------------------------
واحدبيسأل مبارك ايه رايك فى الوضع السياسى فى المنطقة
الريس والله شوف اخوانا الاسرائيليين مساكيين لازم نساعدهم فى نضالههم ضد
البوسنيين لانه حسب معلوماتى جيمى كارتر والرئيس التنزانى منحازين شوية للبرازيل
فى مباراتهم الجاية مع الأهلى على كل حال لا يصح الا الصحيح ولازم اخوانا فى الهيئة
يخففوا شوية عن الشباب وببساطة الامور ان شاء الله هاتتحل والحشيش تتحسن جودته
وسعره ينزل زى مانزلنا سعر المواد الاساسية
------------------------------------------------------
احمد نظيف راح بعمل عمره
ومعاه بعض الوزراء
فجه احمد نظف ورجم الشيطان 6 جمرات بس
فوزير قال ناقص جمرة واحدة
نظيف قال سيب الشيطان ده الوقت هنحتاجه بعد كدا
-------------------------------------------------------
فى حمار وحشى بيحرس كنز فالناس عملوا مسابقة اللى يجيب الكنز هياخذ نصه فراح واحد هندي وامريكى ويابانى الهندي دخل راح الحمار ناطحه مموته واليابانى نفس الكلام، جه الأمريكي دخل وخرج بعد نص ساعة شايل الكنز على كتفه وجارر الحمار فى ايده فالناس سالوه ازاى قدرت تجيب الكنز قاللهم ابدا انا قعدت مع الحمار كلمة منه على كلمة منى طلعنا قرايب.
-------------------------------------------------------
مرة كان ماشي احمد نظيف والمساعدين فى احدي القري فوجد تمثال لزعيم كبير (التمثال لزعيم وهو واقف ) فلقي احمد نظيف التمثال بيكلمه وبيقوله مش المفروض تشوفولى حصان اقعد عليه
بدل الوقفة دي ، نظيف استغرب راح يجيب حسني فالتمثال قاله
انا مش قولتلك هات حصان جايب حماااار ليه
-------------------------------------------------------

طلب من ونستون تشرشل عندما كان رئيساً للوزراء ابداء الرأي في موضوع متنازع عليه بين حزب العمال والمحافظين وعندما انتهى من كتابة الخطاب الذي سيلقيه امام مجلس النواب طلب من سكرتيره الخاص ان يبدي رايه في الخطاب وبعد ان قرأه قال له : الخطاب جميل جدا ياسيدي ولكني لم أفهم هل انت مع ام ضد المشروع
فأجاب تشرشل مبتسما وهذا هو المطلوب تماماً
-------------------------------------------------------
فيه رئيس دولة فقيرة زار أحد الدول الخليجية فاستقبله الأمير ورحب فيه وقال خذوه لقصر الضيافة، فقال الضيف الزائر لا أنا عاوز بدل سكن
-------------------------------------------------------
مرة الرئيس مبارك و بوش و جاك شيراك كانوا راكبين طيارة ف بوش مد ايده من الطيارة و قال احنا فوق نيو يورك قالو له عرفت ازاي قالهم أنا ماسك تمثال الحرية و بعدين جاك شيراك مد ايده و قال احنا فوق فرنسا قالو له عرفت ازاي قالهم أنا ماسك برج ايفل و بعدين الرئيس مبارك مد ايده قال احنا فوق مصر قالو له عرفت ازاي قالهم ............. الساعة اتسرقت
--------------------------------------------------------
واحد صعيدى اتجند فى الجيش من هنا و قامت حرب من هن فخدوه يحارب فى وسط الحرب سأل اللى جنب انتا من دشنا فالراجل قاله ايه فقام الصعيدى قاله انتا من ديشنا فالراجل قاله لأ فقام الصعيدى قاله تبقى من ديش (جيش ) العدو طخ طخ طخ طيخ بووم طخ
--------------------------------------------------------
المدرس : يعيش السمك فى الماء... التلاميذ:يعيش يعيش يعيش
--------------------------------------------------------
واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط
-------------------------------------------------------
واحد سأل صاحبه ليه اليهود مناخيرهم كبيرة ؟ رد وقاله علشان الهواء مجاني
-------------------------------------------------------

حسنى مبارك لقي فانوس سحري قام دعكه فطلعله منه ابليس قاله:شبيك لبيك تطلب ايه؟
قاله: بص بقي يا عم ابليس انا عملت فب الشعب بتاعي كل حاجه..قوللي بقي علي حاجه جديده اعملها !
ابليس قاله: بس كده..بسيطه..هات ودنك..وش وش وش وش وش
قام مبارك قاله: ايه ياعم لعب العيال ده..ده كلام برضه
قام ابليس قاله: بلاش دي..هات ودنك...وش وش وش وش وش
قام مبارك قاله: ايه يا عم ده ...انت شكلك ابليس نص كم ولا ايه
ابليس قاله: معقول الفكره دي مش عاجباك!!..طب خد دي بقي..وش وش وش وش
قام مبارك قاله: ياعم انت شكلك كده لا ليك في العفرته ولا حاجه..هات ودنك بقي اقولك انا
بعمل ايه في الشعب بتاعي....وش وش وش وش وش وش
قام ابليس برق و قاله: يا راجل حرام عليك اتقي الله!!!
------------------------------------------------------
دكتور عربي ,دكتور ياباني ودكتور أمريكي في مؤتمر عن زراعة الاعضاء
قال الامريكي: احنا كان عندنا واحد ما بيشوفـش ,جبنـا قطـة ودبحناهـا
وأخــذنـــا عـيـنـيـهـا وزرعـنــاهــم لـلــرجــل ..!!
اللـي كـانـوا واقفـيـن قـالـوا لـه:يـاااه؟ وبيـشـوف كـويـس ؟؟
قـال لهـم : طبعـا بيشـوف , وبيشـوف اللـي ورا الشمـس كمـان ..
قال الياباني: احنا كان عندنا واحد كبـده تعبـان , فجبنـا قطـة ودبحناهـا
وأخـــذنـــا كــبــدهــا وزرعــنــاهــا لــــــه ..
قالوا : وبيشتغل كويس ؟ قال: أمـال .. ده بيهضـم الزلـط ده الوقـت..
العربي قال: احنا بقى كان عندنا واحد مخه بايـظ ,رحنـا شايليـن مخـه
وحــطــيــنـــا بــــدالـــــه جــــزمـــــة..!!
قـالـوا لــه : ايــه ؟؟ مــش معـقـول !ولـســة عـايــش؟؟
قـال لـهـم طبـعـا ..ده مـسـؤول كبـيـر عنـدنـا ده الـوقـت...
------------------------------------------------------

رئيس وزارة دولة( عربتمان)راح للرئيس بعد مـا شالـوه مـن الـوزارة
وقـال لـه :عايـز أعــرف انــت شلتـنـي لـيـه يــا ريــس؟؟
قــال لـــه : يـــا حبـيـبـي التغـيـيـر سـنــة الـحـيـاة .
طــيــب شــلــت وزيــــر الـمـواصــلات لــيـــه ؟؟
قــال لـــه يـــا حبـيـبـي التغـيـيـر سـنــة الـحـيـاة ..!
قال له طيب ,ممكن أسألك سؤال ؟ ليه انت الوحيـد اللـي مـا بتتغيـرش؟
قال له : يا حبيبي تغيركـم انتـم سنـة ,لكـن أنـا وجـودي فـرض!!!
-----------------------------------------------------
فى حوار بين مسئول امريكى ومسئول عربى
المسئول الامريكى :-
احنا فى اميركا بندى المواطن 10 الاف دولار فى الشهر كحد ادنى
وبناخد منه 500 دولار ضرائب وفواتير كهرباء وميه وخلافه
ومابنسألوش بيودى الباقى فين
رد عليه المسئول العربى
احنا بقى احسن منكم
احنا بندى للمواطن 200 دولار فى الشهر
وبناخد منه 500 دولار ضرائب وفواتير
ومابنسألوش بيجيب الباقى منين

-----------------------------------------------------

وقف الزعيم الديمقراطي يلقي خطبة أمام الشعب فاندمج في خطابه و أخذ يقول : نحن بلد الديمقراطية نحن بلد التقدم نحن بلد التطور فقام مواطن و قال : سيادة الرئيس أين الديمقراطية؟ أين التقدم؟ أين التطور؟ فلم يرد الرئيس و اندمج في خطابه و أخذ يردد: نحن بلد الديمقراطية نحن بلد التقدم نحن بلد التطور فقام مواطن اخر و قال : سيادة الرئيس أين الديمقراطية؟ أين التقدم؟ أين التطور؟ أين الرجل الذي كان بجانبي؟

------------------------------------------------------

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟
------------------------------------------------------

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
-------------------------------------------------------

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض
-------------------------------------------------------

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوباترا

-------------------------------------------------------

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

-------------------------------------------------------

قرد لقي اسد بيجري
القرد : بتجري ليه يا اسد
الأسد : اصله بيحبسوا كل الحمير
القرد : وانت مالك انت اسد مش حمار
الاسد : حلني على ما يثبتوا اني اسد

طبعا النكتة على ايمن نور لما حبسوه
فقال لهم النكتة دي على قانون الطؤاري
على اساس انهم كانوا بيدورا على ايمن الظواهري
فاصحابه قالوا له وانت مالك قالهم حلني على ما يثبتوا اني ايمن نور مش الظواهري

-------------------------------------------------------

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين

-------------------------------------------------------

*إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ
-------------------------------------------------------
مرة سيادة الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.
الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد!!
عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام
بيلف
-------------------------------------------------------
*كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء
-------------------------------------------------------
كان الرئيس حسني مبارك في زياره إلى انجلترا . و في
خلال مناقشاته مع الملكه سألها ..
كيف تديرين أمور
البلاد بهذه الصرامه .. فقالت . الحل أن يكون لديك و من
حولك مستشارين يستطيعون الاجابه على أي سؤال في أي وقت
حتى يخلصوك من أي مشكله قد تحدث
فتعجب حسني مبارك و سألها . تعنين مستشارين أذكياء؟؟
قالت نعم . فقال و كيف تتأكدين من ذلك ... فقالت له :
بسيطه .. يمكنك من خلال سؤال أن تكتشف معدل ذكاء مستشارك
انتظر .. سأعطيك مثالا على ذلك .... قامت المللكة
باستدعاء توني بلير ... وقالت : عزيزي توني .. لدي سؤال
لك ... أبوك و *** لديهم طفل .. و ليس أخوك وليس أختك .
فمن يكون ... فقال توني بلير : سيكون أنا
فضحكت الملكه و صرفته .. و نظرت لمبارك و قالت أرأيت ..
فتعجب الرئيس و عاد فورا إلى القاهره و طلب الاجتماع مع
رئيس الوزراء ... فقال له يا نظيف .. أبوك و *** عندهم
عيل .. و مش أخوك ومش أختك يبقوا مين ؟؟ فقال له : والله
يا ريس انا مش متأكد اديني فرصه أفكر .. خرج نظيف مسرعا
و قرر عقد اجتماع مع مجلس الوزراء و في خلال الجلسه طلب
عقد جلسه طارئه مع حبيب العادلي وزير الداخليه .. يا
حبيب .. أبوك و *** عندهم عيل و مش أخوك و مش أختك يبقوا
مين ؟؟ فرد عليه حبيب العادلي يبقى أنا يا نظيف باشا ..
فضحك نظيف و اتجه إلى مبارك
فلما دخل عليه قال له .. سيدي .. عرفت إجابه سؤالك ..
فقال له الرئيس و ما هو ... فقال نظيف .. سيكون حبيب
العادلي بالتأكيد ... فغضب منه الرئيس و قال له بعامية
فجّـه ... يا حمااااااااااار لو أبوك و *** عندهم عيل
ومش أخوك ومش أختك .. هيبقى توني بلير يا غبى
--------------------------------------------------------
بعد ما الرئيس مبارك مات وبدأ يتعذب جم خيّروه بين 3 طرق تعذيب:
هواختار الطريقة الانجليزى
فبعد اول يوم تعذيب
شاف كمال الشاذلى معدى
بيقولوا :انت بتتعذب ازاى؟
قاله:مصرى
قاله:طب ده مفيش راحة
قاله : لااااااااا
اصل الفرن قافل والجلاد مجاش
---------------------------------------------------------

بيقولك مره شيخ اتمسك فى امن الدوله و سابوه
فامن الدوله مراقبينه . اول يوم لقوه ماشى فى شارع
الهرم راحوا مكلمين الريس و قالوله الشيخ تاب ياريس
تانى يوم لقوه فى كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد قالوا الشيخ تاب
و اناب و بقى من الحزب الوطنى ياريس
---------------------------------------------------------
بيقولك جمال مبارك بعد الخطوبة ..أبوه حب يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة.
---------------------------------------------------------
بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة.
---------------------------------------------------------
اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.
---------------------------------------------------------
سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى.
---------------------------------------------------------
حسنى مبارك راح لشيخ الأزهر متعكنن جدا .وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله:
ابقى اشربها على وضوء يا ريس.
---------------------------------------------------------
* حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون
---------------------------------------------------------

حسني مبارك بيخطب في الشعب فا كل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فا اتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا
---------------------------------------------------------
فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم
مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم

---------------------------------------------------------

بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى حاجه تانيه الراجل قاله:خلاص خلى حسنى مبارك يسيب الحكم؛العفريت قاله:أنت عايز الكوبرى رايح جاى ولا رايح بس
---------------------------------------------------------
قرر مبارك ان يعين سكرتيره , فلجا الي نظيف
مبارك : اهم حاجه يا نظيف في اللي يشتغل معايا الامانه
نظيف : يا ريس احنا عملنا اختبار لتلات بنات , ادينا لكل واحده كيس وقلنالها ودي الالف جنيه دول البنك , كل واحده فتحت الكيس لقت فيه الفين جنيه , واحده حطت الف ورجعت بألف , التانيه حطيت الالفين وجابت الوصل , التالته رجعت بالفلوس كلها وبتسأل تتصرف ازاي , ها يا ريس هتعين مين ؟؟؟؟؟؟
مبارك : اللي لابسه جيب ميكرو طبعا

--------------------------------------------------------

وزير عنده ببغاء يعرف يتكلم ويسمع الوزير يسب فلان وعلان وبقى يسب زيه ومرة من المرات الوزيركان عايز يعزم مسئولين في الدولة وخاف أن الببغاء يفضحه لأن الببغاء بقى يعرف في السياسة ، المهم : الوزير حط الببغاء مع الدجاج، الدجاج اجتمعوا على الببغاء يقولون (بق بق بق) وأصواتهم عالية ومزعجه ، الببغاء قال لهم وجع يوجعكم ،عمركم ماشفتوا لاجىء سياسي !!!

------------------------------------------------------

مرة الريس حب يعرف الشعب بيحبه ولا لأ فإتنكر ونزل الشارع ودخل على قهوة بلدى فلقى القهوجى معلق صورة صغيرة لعبد الناصر وصورة صغيرة للسادات وصورة كبيرة للريس فسأله : انت معلق صورة عبد الناصر ليه؟؟؟؟؟
قال له : لأنه هو اللى قام بالثورة
فقال له : طيب ومعلق صورة السادات ليه؟؟؟؟؟
قال له : لأنه هو اللى انتصر فى اكتوبر
فقال له : طيب ومعلق صورة اخينا ليه؟؟؟؟؟
قال له : لأنه ابو شريكى علاء فى القهوة

-------------------------------------------------------

فى مرة السادات وهو رئيس جمهورية حن لشرب الحشيش ف راح غرزة من الى كان بيشرب فيها زمان
فقعدعلى كرسى وبدأ يشرب حشيش وكان فى واحد محشش قاعد على كرسى قصاده
سأله الراجل المحشش ده والباشا بيشتغل ايه ؟ قاله السادات رئيس جمهورية حضرتك
رد المحشش ياااااااااااااااااااااااااااااه كده من أول نفس .

من مذكرات السادات اللى كتبها بنفسه

ان شاء الله رايحين فى داهيه
اللى يدخل يضحك فى سره
علشان منضعش
هههههههههههههههههههههههههههه
هههههههههههههههههههههههه
ههههههههههههههههه
بس والله حلوين
داهيه داهيه
المهم نعيش اللحظه
ههههههه
ههههه
هههه

ال

رئيس مبارك كان في زياره لدوله خارجيه وطول فيها فاتصل بنظيف وقاله اي احوال البلد قاله يا ريس الناس تعبنين قوي ومش لقين حتي الظلط يكلوه قاله خلاص ما تنساش تدي توكيل الظلط لعلاء

ههههههههههههههههههههههههههههههههههههههههههههههههههه
جاااااااااااااااااااااااااااااااااااامده موت يا معلم
بجد حكايه هههههههههههههههههههههههههه
تسلم على المجهود

زائر

ههههههههههههههههه
ضحكة فى سرى
ايه دا ياعلى مينفعش ياعم دا برده ريسنا
ع العموم هبقى اجيب لكم عيش وحلاوة
انا بعترض ع النكت انا مش معاكم
دى ولا حتى ضحتنى خالص ولا حاجة
ولا قلت حلوة وهكتب وحشة عشان مش ارووح ف داهية

نكت جامدة يا برنس تسلم ايدك

ههههههههههههههههههههههههههههههههههههههههههه
جامدة بس اوعى سلامة هياجى الصبح