شويه نكت رخمه بس جامده جدا

ندل واقف فى ميكروبص ضحك لبنت ضحكتلة غمزلها غمزتلة شاورلها تنزل نزلت قعد هو مكانها

واحد دخل علي مراته لقاها مع راجل قالها مين ده قالتله ده صاحب قنوات بانوراما دراما قالها بيعمل اية هنا قالتله بيسيب علامه في بيتك

مرة واحد ماشى مع خطيبته واخر انسجام فقالها "عارفة اية هو الحب واية الجواز؟ " قالتله "لا" قالها: "الحب زى النجوم الجميلة اللى فى السماء , قالتله طب والجواز؟ " قالها : "دى البلاعة اللى واحنا بنبص على النجوم بنقع فيها

واحد مسطول ماشى فى بيتهمخبط فى امه .. راحت قالت له : ايه يابنى انت اعمى ؟؟ مش شايفنى ؟؟ بص لها بمنتهى الهدوء وقال : لأ ... هو انا شفتك بس مش فاكر فين

واحد بيدلع مراته قالها : انتى لو كنتى فى الهند كانوا عبدوكى قالتله : ليه انا ملاك قالها : لا بقره

بيقولك مره شيخ اتمسك فى امن الدوله و سابوه فامن الدوله مراقبينه . اول يوم لقوه ماشى فى شارع الهرم راحوا مكلمين الريس و قالوله الشيخ تاب ياريس تانى يوم لقوه فى كباريه قالوا الشيخ تاب و اناب ياريس . تالت يوم لقوه فى الاتوبيس بيسرق واحد قالوا الشيخ تاب و اناب و بقى من الحزب الوطنى ياريس

واحد صعيدي شاف واحده حلوه فى الاتوبيس عجبته لما نزل خد رقم الأتوبيس

حوار بين عائلة طرش الابن: يابابا عايز خيار الأب: يا وليه ابنك عاوز فشار الأم:الحقى يابت أبوكى بيلعب قمارالبنت:الحقى ياستى امى دخل فى رجلها مسمار الجده : اهو ده اللى ناقص تطلعونى من الدار

واحد بياكل فول بقاله خمس سنين طلعله الشيطن قاله شوف بقى يا روح امك يا تغير الفول يا تسمى قبل ما تاكل

بخيل جاله ضيوف قال لمراته بفكر ادبح البغبغان ونعمل شوربه وفته ونشوى الضلوع على الفحم والجناح نعمله هوايه ونعمل لحمه راس من المخ ونقلى الكبد والقوانص رد البغبغان : واحلبنى بالمره عشان تعمل رز باللبن يا روح امك

مره مدرس بيقول لتلميذ ادخل ناقص في جمله قاله ناقص تقول اعربها

الواد كوكاكولا لقى الواد بيبسى بيعاكس اخته فانتا قاله انا سبورت عليك كتير وليك سفن اب يترد عليه

واحد قاعد في أمان الله بيقرا الجرنان ، وفجأة جت مراته وضربته بغطا الحلة فوق دماغه .. طرررررخ الزوج : " فيه ايه يا بنت الحلال ؟ ليه كدا؟؟؟ " الزوجه : "ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق" الزوجه صدقته وراحت لحالها بعد اسبوع ، الزوج قاعد في أمان الله يقرا الجرنان ، وفجأة جت مراته وضربته بغطا الحلة على راسه الزوج : "خير يابنت الحلال في ايه تاني؟؟" الزوجه:"حصانك على التليفون"

واحد صعيدى كان بيتفرج على الاراجوز .. وكان الاراجوز بيقول نكت على الصعايده .. الصعيدى اضايق راح قايم مزعق ايه ياعم الحاج هو مافيش غير الصعايده اللى فى البلد اللى مبيفهموش ... راح الراجل اللى بيرقص الاراجوز طالع من وراء الخشبه علشان يهدى الصعيدى بيقولوا انا اسف يا عمنا ... راح الصعيدى مزعق فيه وانت مالك ياعم الحاج انا بكلم الاراجوز

واحد صعيدي نزل محطة مصر لقى بتاع الأنابيب بيخبط عليها ، قال له افتحلي واحدة ساقعة لو سمحت

اتنين اندال بيشكلوا على مين اندل من التاني كل واحد بيقول للتاني انا اندل منك فواحد منهم قال للتاني شايف الست اللي هناك دي قاله ايوه راح جايبه من شعرها ومرمط بكرامتها الارض وقال للتاني شوفت انا اندل منك ازاي قاله لا برده انا اندل منك قاله ازاي قاله الست دي امي

وحدة محششة حامل قالولها جوزك بيخونك ، راحت لجوزها قالتله قولي ولد مين اللي في بطني ده

واحد بيحكى لصاحبه : أنا رجعت البيت لقيت واحد مع مراتى اتنرفزت و دمى فار ورحت على المطبخ وبدون وعى جبت السكينه وقطعت لمونه و عملت عصير اروق اعصابى . قاله طيب و الراجل ؟؟؟؟؟؟؟؟ قاله : انا خدام اهله لو عايز يقوم يعمل لنفسه

واحد دخل مجمع استهلاكى وسأل عن الفراخ فسأله الموظف عايز فراخ صاحيه ولاّ مدبوحه ؟؟ قال مدبوحه ، قال له اطلع الدور التانى طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور التالت وقابل موظف تالت وسأله عن الفراخ المدبوحة ومقطعه فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام

تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى سيجارة مرمية على الارض والتانى قال انا هاعمل نفسى سيجارة مرمية على الطفاية والتالت قال انا هاعمل نفسي سيجارة مرمية من الشباك لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقا احرقونا

مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول ده انا

مرة ولد صغير راح لأمه قالها ماما .. ماما انا شفت الواد اللى فوقينا بيبوس البت اللى تحتينا قالتله مالكش دعوة يا حبيبى دول بيحبو بعض وهيتجوز قالها الولد يعنى افهم من كدة ان اى اتنين بيبوسو بعض يبقو هيتجوزو بعض قالتلة اه يا حبيبى الولدقالها طب بابا هيتجوز الشغالة امتى ؟

واحد صعيدى سافر أوروبا بص لقى الناس واقفة طابور قدام مكنة الحاجة الساقعة يحط عملة تنزل حاجة ساقعة جه عليه الدور وفضل واقف أكتر من ساعة يحط عملة تنزل حاجة ساقعة وفضل كتير على الحال ده الناس زهقت منه واشتكت راح مزعق فيهم وقال طالما باكسب محدش يكلمنى

محشش وجهوا له هذا السؤال
-------------------
ما هي العلاقة بين الحمار والأرنب؟
قال: الحمار باللغة الانجليزية اسمه دونكي
احذف (دون) ظلّت كي
كي بالعربي يعني مفتاح
حط مفتاح في حكمة
(('الصبر مفتاح الفرج'))
احذف مفتاح الفرج ظلّت الصبر
حط الصبر في حكمة
(('الصبر جميل))'
احذف الصبر ظلّت
جميل
فيه ممثل مصري اسمه ((جميل راتب))
احذف جميل ظلّت راتب
اعكس الحرفين الأخيرين (التاء والباء)
صارت (("رابت"))
ورابت بالانجليزي يعني أرنب
وهو المطلوب إثباته

واحد اسمة شلبى كان مسافر بلاد برة فراح محطة القطر وطبعا هناك النظام آخر تمام ... فراح داخل فى مكنة التذاكر يحط الفلوس وتنزل له التذكرة فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم وسيصل الساعة الواحدة هوة سمع كدة فعجبته الحكاية فضل يحط فى فلوس والمكنة تعيد يحط فى فلوس و المكنة تعيد لحد اخر مرة حط الفلوس راحت المكنة قالت له الاستاذ شلبى فضل يستهبل لحد ما القطر فاته

واحد راح يحجز غرفة فى فندق فموظف الريسبشن قاله عاوز الغرفه فيها قطه ولا لأ ؟ فالراجل زعل وراح لمدير الفندق قاله الموظف الحمار بيقولى عاوز قطه معاك فى الغرفه فالمدير قاله خلاص اديله الغرفه من غير قطه ففيوم خارج من غرفته لقى واحده جميله جدا جدا فسألها انتى مين : قالتله انا القطه وانت مين ؟ قالها وانا الحمااااااااااااار

مرة واحد قاعد مع حبيبته على البحر حبيبته تقولو : شايف القمر يا حياتي الحبيب : شايفو يا حبيبتي الحبيبه : ريحت شراباتك واصله لعنده

ليه الفراعنة بنوا الاهرامات ؟؟؟؟؟ عشان تطلع على الشلن طب ليه السياح لما بييجوا بيتصوروا جنب الاهرامات ؟؟؟؟؟؟؟؟؟ عشان يطلعوا جنب الاهرامات ع الشلن .. طب ليه ابو الهول اسمه ابو الهول ؟؟؟؟؟؟؟؟ عشان هما سموه كده .. طب ليه احمس هزم الهكسوس؟؟؟؟؟؟؟ عشان يزودلنا منهج التاريخ

زهقان تزوج من وحدة زهقانة ، خلفوا ولد سموه افففففف وهو نازل اتخانق مع الدكتور وقاله اوعي كده انا هنزل لوحدي

مرة حما أرادت اختبار اجواز بناتها فاخذت الأول وعملت نفسها اتزحلقت في البحر فنزل وراها وانقذها ، تانى يوم وجد عربية بيجو ومكتوب عليها " هدية من حماتك اللي بتحبك " وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة ، أما الثالث فسبها تغرق ، ففى اليوم التالى وجد عربية مرسيدس ومكتوب عليها "هدية من حماك اللي بيحبك

سكران ماسك الفرخة بتاعته .. قاعد يضرب فيها يضرب فيها ويقولها : كل يوم بيض بيض مافيش جبنه

واحدة وحشة بتقول لجوزها يا ريتني كنت عصفورة جوزها : ياريتني كنت بندقية

محشش في قاعة الإمتحان مش عارف يحل والإمتحان كله صح و غلط .. راح مطلع بريزه ولعب ملك وكتابة على الإمتحان خلص الإمتحان في نص ساعة وهو خارج طلع البريزة تاني وشغال ملك وكتابة فصاحبه بيسأله : بتعمل ايه ما خلاص !! قال سيبني كده .. بتأكد من الاجوبة

واحد مسطول اشتغل سواق تاكسي ، شاورتله واحده ، وقف وسألها "رايحه فين؟" قالتله "المهندسين" قالها "روحي بس ما تتأخريش

مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط ؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس ... فرد الولد : ده انت إللي مش فاهم بابا كويس يا أستاذ

....

نش شايف حاجه ياحمد

سكران ماسك الفرخة بتاعته .. قاعد يضرب فيها يضرب فيها ويقولها : كل يوم بيض بيض مافيش جبنه

او لانشون

ههههههههههههههههههههههههههههههه
هههههههههههههههههههههههه

حلاوتك وانت مهيس
بس صحيح متنساش تبوسلى السروجى من بقه
ههههههههههههههههههههههههههه

بيقولك مره شيخ اتمسك فى امن الدوله و سابوه فامن الدوله مراقبينه . اول يوم لقوه ماشى فى شارع الهرم راحوا مكلمين الريس و قالوله الشيخ تاب ياريس تانى يوم لقوه فى كباريه قالوا الشيخ تاب و اناب ياريس . تالت يوم لقوه فى الاتوبيس بيسرق واحد قالوا الشيخ تاب و اناب و بقى من الحزب الوطنى ياريس

خاف علي نفسك

» فزوره سهله بس صعبه شويه
» صور جامده للنجم توم كروز
» هدية منى للشباب اللى موجدين فى المنتدى ... جامده
» مجموعه اغانى شعبى جامده احر حاجه هنولع الفرح
» اغنيه جامده مووووووووووت هتولع الفرح من النجم وليد الحكيم