قواعد المرور الجديده احرص على معرفتها

القاعدة الأولى:
لو عربيتك كبيرة أو قديمة،أستخدم المبدأ القانوني: اللي خايف على عربيته يوسع!!
ملحوظة: ابعد عن سكة العربيات المخرشمة ، بيسوقوا بنظرية ضرب الأعور على عينه!!

القاعده الثانيه:
البوز بيز Booze Base: اللي يدخل ببوز عربيته الأول للتقاطع هو صاحب أولوية المرور!
احرص على أن تكون صاحب أول بوز.
ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.

القاعدة الثالثة:
الإشارات تكشف نواياك للأعداء، أياك أن تستخدمها!

القاعدة الرابعة:
لا تترك مسافة للأمان بينك وبين السيارة التي أمامك فهذا له عدة مخاطر:
1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.
2. حتدي فرصة للعيال يعملوا غرز قدامك.
3. كل المشاة حيغمضوا عينيهم و يعدوا من الحته دي.
4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -.
الإشارات مش معمولة علشان تنظم المرور ،معمولة علشان شكل القاهرة يبقى متحضر بس!
اعتمد على العساكر ( مع تحملك كام لالمسؤلية لو واحد منهم شاورلك تعدي و بلدياته الناحية الثانية فتح السكة للوري ) أويفضل أن تستعمل البوز بيز ( راجع القاعدة الثانية ).

القاعدة الخامسة:
اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

القاعدة السادسة:
معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!

القاعدة السابعة:
الشارع مكان مقرف، سوق بأسرع ما يمكن حتى تتخلص من هذا الهم بسرعة،الناس الي ماشيين بالراحة مرضى نفسيين بيستمتعوا بالعذاب ، يستاهلوا اللي يجرى لهم.

القاعدة الثامنة:
من حقوقك الدستور أن تركن أمام باب المحل الذي تريد أن تشتري منه،اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث،و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟

القاعدة التاسعة:
من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.

القاعدة العاشرة:
إحترس من ثلاث أنواع من السائقيين بيسوقوا و كأنهم مش ممكن يموتوا:
1. العيال الروشين الي بيلعبوا Computer Games و فاكريين إن ممك نيكسبوا Life زيادة لو ساقوا أسرع.
2. موتوسيكلات توصيل الطلبات ( Home Delivery ).
3. سواقين الميكروباص.
ملحوظة: إوعى تحاول تثبت لحد منهم إن فكرته غلط. فاهمني!!!.

القاعدة الحادية عشر:
لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.

القاعدة الثانية عشر:
البلديه لازم يحللوا اللقمة الي بياكلوها، حاول تنفعهم و ترمي أي حاجة من الشباك.

القاعدة الثالثة عشر:
لما تخلص سيجارة أوعى تحطها في الطفاية، ارميها من الشباك أولما تشوف واحد بموتوسيكل معدي جنبك ( علشان يحرم يعمل غرز ).

القاعدة الرابعة عشر:
من حقك أن تعبر الشارع في أي وقت و من أي مكان.

القاعدة الخامسة عشر:
اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟

القاعدة السادسة عشر:
اياك أن تنظر نحوالسيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.

القاعدة السابعة عشر:
حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟
عرض قفاك و سيبه يتفلق.

القاعدة الثامنة عشر:
الرصيف ليس للمشاه، بل لركن السيارات و فرش الباعة الجائليين و المحلات... الخ،لذلك يحق للمشاةالسير في وسط الشارع، لمزيد من الأمان، راجع القاعدة السابقة.

القاعدة التاسعة عشر:
إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة....

هههههههه ابقى افتكرونى

تمام يابرنس
معلومات حلوه
بس نفسى أعرف انت بتحط مواضيع فى الاقسام بناء على ايه
اصل انا مش شايف فى موضوعك أى قضيه فكريه معاصره
قواعد المرور الجديده احرص على معرفتها Icon_cyclops

الشعب المصرى ..ام الغباء
يا ناس
حتى شوفوا التاريخ هو الى بيسجل مش احنا
الشعب المصرى عمره ما بيحترم قوانين المرور
حتى شوف

ودلوقتى حان وقت احدى صور الشعب المصرى المتخلف زى كتير قوى
من الشعب

يله موضوع جامد يا علــــــــــــــــــــــــــــــــــــــــــــــــــى
بس معلش فى استفسار صغير قوى
القسم ده اسمه قضايا فكريه معاصره
وده عمره ما هيكون له ارتباط ببعضه على اساس ان قانون المرور الى
حطه احمد زويل ولا ايه
انت ممكن تدخل تقولنا انقلوا الموضوع فى المنتدى العام واحنا ننقله
احنا مش عاوزين ننقله من وراك عشان ما تتهش فى المنتدى
وفى النهايه يعجز لسانى عن شكرك يا على على المجهود الجبار ده
تسلم ايدك

شكرا يا جماعة

بس انا فعلا شايف ان قانون المرور المصري من القضايا الفكرية البحتة

هههههههههه

و على العموم الي انت شايفو على راسي يا باشا
اتصرف كانه موضوعك بالظبط

بس انا فعلا شايف ان قانون المرور المصري من القضايا الفكرية البحتة

بحته والنعمه انت لووووووووووووووووووووووووووووز

لما تخلص سيجارة أوعى
تحطها في الطفاية، ارميها من الشباك أولما تشوف واحد بموتوسيكل معدي جنبك (
علشان يحرم يعمل غرز ).

انا مره جيت اعمل غرزه الفتله اتقطعت وانا متاثر ياعلى

تسلم اديك واسعدنى بمواضيعك البنائه والهاتفه والبحته ههههههههههه

هههههههههههههههههههههه

والله انا مش عارف اقولكو ايه يا جماعة

بس انتو بجد طلعتو عالم ..................

ألماظ

thanxxx
يا ايها المهندس على
احنا والحمد لله عارفين ده ومش محتاجين اى حد يوضح لينا
الصفه دى يا برنس
لان احنا زى ما انت قولت اننا زى الالماظ
ولكن بيزيد علينا حاجه تانيه صغيره كده بس حلوه برده
اننا زى الماس نادر الوجود وقيم قوى عند الى يقدره يا علوه
وصحيح فى صفه كمان حلوه قوى اننا رجاله قوى
يا علوه وما بنحبش ناكل حاجه بيته
ههههههههههههههههههههههههههههههههههههههههههههههه
بهزر يا عسل
صحيح يا علوه الصفات دى مش فينا لوحدنا بس دى فى
اهلنا كلنا واهل بلدنا ورجاله المنتدى كلها يعنى ده اكيد
ظهر ليك لما دخلت المنتدى اكيد عرفت اننا رجاله قوى
وبنحب حريه الرأى
عشان كده انت بجد متهيقلى يشرفك انك تكون معانا فى المنتدى
مزيد من التألق والابداع يا علوه وياريت نشوفك ونعرفك اكتر من
كده بكتير لاننا ما بنحبش يكون حد معانا على المنتدى وميعرفناش بنفسه
سلام يا علو
وفى النهايه بجد انا نش عارف اقولك ايه

الصفات دى مش فينا لوحدنا بس دى فى
اهلنا كلنا واهل بلدنا ورجاله المنتدى كلها

طبعا يامعلم من غير م تقول الكلام دة اكيد
و برده نش عارف اقولك ايه

انا نش عارف اقولك ايه كتير
بس الاكيد والمهم انك عارف اننا الصفات
دى فينا كلنا والى حوالينا والى هيبقى معانا كمان
اكيد هيبقى كده
وشكرا يا سيدى على المجامله دى ومردوده لك فى موضوع تانى
تسلم يا علوه

مساء الدلع يا ابو السيييد

punisher

ha

وماله مساء الدلع يا لولو
أنزل من ع المسرح يا نجم
ha

انزل يا جميل ع الساحة

و اتمختر كده براحة

» كله يرحب بصديقتنا الجديده Lose Heart