جدد ايمانك مع اسماء الله الحسنى

[السلام عليكم ورحمة الله وبركاته

　
الحمدلله والصلاة والسلام على رسول الله اما بعد:::

　
　
حاولت افكر في حاجة تزود ايماننا وتخلينا عباد لله بجد

　

مالقيتش احسن من اننا ندرس اسماء الله الحسنى

　
طب اشمعنا اسماء الله الحسنى؟؟؟

　
　
اولا لازم ياجماعة نعرف ان الايمان بيزيد بالطاعة وينقص بالمعصية

　
　
مفيش حاجة اسمها ايمان ثابت

　

لو ايمانك مش بيزيد يبقى لازم تعرف انه بينقص

　

وعشان نحافظ على ايماننا من النقصان فلازم نحاول نخليه يزيد

　
ومفيش احلى من معرفة صفات الله واسمائه عشان نعرف قد ايه بجد حب ربنا لازم يكون في قلوبنا

　
وقد ايه الله عز وجل كريم اوي بصفاته بس احنا بعاد عنه رغم كل ده

　
عارفين لو حب ربنا ملى قلوبنا؟؟؟

　

هتلاقي كل الدنيا اتغيرت قدامنا

　
حب ربنا هيغنينا عن اي حب تاني

　
واحنا لازم نحبه ونعبده عشان الله يستحق العبادة

　
　
وعشان كدة قررت انى أعمل السلسة ديه ومنها نقوي ايماننا ونتعاون كلنا كاعضاء واسرة واحدة اننا نزود ايماننا

　
　
وعشان لازم نعرف ان من اكبر نعم ربنا علينا انه خلانا نعبده

　
　
من اكبر نعم ربنا انه خلانا مسلمين

　
بجد احنا مش حاسين بالنعمة ديه ولازم بجد نعرف احنا بنعبد مين؟؟؟

　
لازم نعرف قد ايه ربنا يستحق العباده

　
فحسبي أنني عبد ...................... وأنك أنت معبودي

　
　
وان شاء الله حلقتي هتنزل كل يوم خميس المهم في نص الاسبوع ان شاء الله

　
وان شاء الله ماأطولش عليكوا

　
واول حلقة انهاردة هتبقى مع اسم الله الرحمن الرحيم:::

　
الرحمن الرحيم

　
اول اسمين عارفينهم ودايما بنقولهم

　
عشان كدة ربنا خلا البسملة فيها الرحمن الرحيم

　
عشان يعرف عباده انه رحمن اوي ورحيم اوي

　
　
ربنا وصف نفسه بالرحمة وهو بيتعامل معانا بكل رحمة

　
تخيل كدة لو ربنا مش هيتعامل معانا برحمته؟؟؟

　
اعتقد كان نسفنا من الارض من اول ذنب احنا عملناه

　
ومين فينا مش بيعمل ذنوب؟؟؟

　
لكن ربنا رحمن ورحيم وربنا بيحب الرحمة وبيحب يرحم عباده لكن فين احنا من احساسنا برحمة ربنا؟؟؟

　
ليه لما بنعمل ذنب مش بنروح له ونقوله يارحيم ارحمنا

　
ازاي يكون عندك رب بالرحمة ديه وتكون في دنيتك مش عارف تعمل ايه؟؟؟

　
هتقول ايه لربنا لما يسألك ليه عمرك مادعيتني عشان ارحمك؟؟؟

　
هتقول له ايه؟؟؟

　
ماكنتش اعرف رحمتك؟؟؟ولا كنت شاكك ؟؟؟ولا ايه

　
اين انت من اسم الله الرحمن الرحيم؟؟؟؟؟

　
اين انت من رحمة الله؟؟؟

　
انظر الى كل مكان بجانبك وتعامل معه برحمة كي تستحق رحمة الله

　
عامل خلق الله برحمة كي يرحمك الله

　
يقول تعالى:"قل ياعبادي الذين أسرفوا على أنفسهم لاتقنطوا من رحمة الله ان الله يغفر الذنوب جميعا انه هو الغفور الرحيم"

　
　
ليه لسه بعيد؟؟؟

　
ليه لسه حارم نفسك من رحمة ربك؟؟؟

خلونا نفوق ونرجع لربنا

بجد خاب وخسر من خرج من رحمة الله

تخيل يوم القيامة تلاقي ناس كتيرة ربنا رحمهم وانت بعيد؟؟

تقول ليه يارب؟؟؟

هيقولك انت اللي بعدت وانت اللي عزت كدة؟؟؟

ليه مانعوزش نكون في رحمة ربنا وكل اما نعصي نروح ونطلب رحمته؟؟؟

　
خلونا نحب ربنا الرحمن اللي بيحب يرحمنا

　
خلصت حلقة انهاردة ويارب نستفيد منها ونروح بجد لرحمة ربنا

جزاك الله خيرا

تسلم ايدك بجد تويك رائع

تخيل كدة لو ربنا مش هيتعامل معانا برحمته؟؟؟

　
اعتقد كان نسفنا من الارض من اول ذنب احنا عملناه

فعلا والله

فى انتظار باقى الحلقات

بسم الله الرحمن الرحيم
فعلا احنا محتاجين نحب ربنا اوى يا احمد
علشان قلوبنا تصفى كده
ونحب بعض كمان لان بجد الناس نسيت يعنى ايه حب اصلا وتحولت كل المشاعر الى الكراهيه
وده بسبب نقص بجد فى حبنا لله
وفعلا احنا لازم نكون رحماء ببعض لان ده ومهما كان مش هيجى حاجه جمب رحمه ربنا علينا
يعنى بجد لازم نبحث فى انفسنا يا احمد كتير ونركز فى الكلام ده اوى
ومنتظرين باقى حلقاتك
وبجد موضوع مهم جدا ومفيد جدا بس يا ريت الناس تقراه بجد يعنى
وفى انتظار المزيد منك فى رعايه الله

[center]بسم الله الرحمن الرحيم
اليوم مع ثانى حلقات جدد ايمانك مع أسماء الله الحسنى

مع الحلقة الثانية واسم الله الملك القدوس
__________________

وبعديييييييين ؟؟

اللهم اغفر لي وارحمني واهدني وارزقني وعافني

جدد ايمانك مع اسماء الله الحسنى I331896580_79892_5

[center][/center[size=18[color=cyan]]]" هُوَ اللَّهُ الَّذِي لَا إِلَهَ إِلَّا هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ {22} هُوَ اللَّهُ الَّذِي لَا إِلَهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ

الْمُتَكَبِّرُ سُبْحَانَ اللَّهِ عَمَّا يُشْرِكُونَ {23} هُوَ اللَّهُ الْخَالِقُ الْبَارِئُ الْمُصَوِّرُ لَهُ الْأَسْمَاء الْحُسْنَى يُسَبِّحُ لَهُ مَا فِي السَّمَاوَاتِ وَالْأَرْضِ وَهُوَ الْعَزِيزُ الْحَكِيمُ {24} " الحشر

" فَتَعَالَى اللَّهُ الْمَلِكُ الْحَقُّ لَا إِلَهَ إِلَّا هُوَ رَبُّ الْعَرْشِ الْكَرِيمِ " المؤمنون 115

أسعد الله أوقاتكم بكل خير أخوتي و أخواتي

مع الحلقة الثانية

من سلسلة جدد إيمانك مع أسماء الله الحسنى " لو عرفوه لأحبوه "

ومع اسم الله " الملك القدوس "

سبحانك ربي ملك قدوس

ملكٌ : اسم جامع لأسمائك الحسنى ,, متفردٌ بالملك والملكوت والقوة والجبروت والعزة والسلطان ,,

لا راد لقضائك ولا معقب لحكمك ,, ولا يقع في ملكك إلا ما تريد لك الأمر كله في الدنيا والآخرة

نواصي العباد بين يديك فماض فيهم حكمك عدل فيهم قضاؤك ,,,

" فَتَعَالَى اللَّهُ الْمَلِكُ الْحَقُّ "

وصف الله نفسه بالملك مشيراً إلى سعته الواسعة

فليس هناك ملك على الحياة سواه

فقال " لِّمَنِ الْمُلْكُ الْيَوْمَ لِلَّهِ الْوَاحِدِ الْقَهَّارِ "

فالملك : اسم يهز المشاعر الوجدانية ويأخذ بمجامع القلوب الذكية ويملك على كل نفس مؤمنة حسها وأنسها فتخشع لعظمته وتخضع لجبروته

أما القدوس :

اسم جمع كل صفات الجلال والكمال والجمال أيضاً وكل أسماء الله الحسنى تدور حول هذه الأمور الثلاثة

وإن شاء الله على قدر المستطاع أركز على هذه الأمور

فالله هو القدوس المنزه عن كل وصف يدركه حس أو يتصوره خيال أو يسبق إليه وهم أو يختلج إليه ضمير

والقداسة هي النبل والطهر والنزاهة والمهابة والعظمة

فمن قدس ربه فقد أحسن الثناء عليه بما هو أهله وأدى شكر الله عليه بقدر طاقته البشرية

اللهم يا ملك يا قدوس مَلِّكنا نفوسنا ,, ونزِّهنا عن الشرك وطهِّرها من كل ما يعكر صفو الإيمان ويكدر جلوة اليقين .

سبحانك لا نحصي ثناءً عليك , أنت كما أثنيت على نفسك فعز شأنك وقوي سلطانك ولا إله غيرك

سبحانك ربي بحبك ربي

استودعكم الله الملك القدوس

جزاكم ربي الفردوس الأعلى

سلام الله عليكم ورحمته وبركاته __________________

وبعديييييييين ؟؟

اللهم اغفر لي وارحمني واهدني وارزقني وعافني[/color[/size]]

هُوَ اللَّهُ الَّذِي لَا إِلَهَ إِلَّا هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ {22} هُوَ اللَّهُ الَّذِي لَا إِلَهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ

تسلم ايديك على الموضوع

زائر

تسلم ايدك الموضوع جامد بجد
والحلقات دى حلوة
فى انتظار القادم

» لماذا أصبحنا نسمي الأسماء بغير اسمها؟
» أحذروا البدعه أعزكم الله
» كلمات اغنيه الله يصبر قلبى
» أذكـــــار وأدعية لطـــرد الشيطـــان ( لعنــه الله ).
» معاني جميله لكلمه جزاك الله خيرا