احبك رغم اوهامى

بَحِبِك رغم أوهامك وأوهامي
وشايلك جوه وجداني
ومانتيش عارفة إحساسي..ومانتيش حاسَّه بغرامي
مهو اللي يحب يوم مَرََّة..أكيد بيحب من تانى
وبيفَرَّق..
مابين الحب وشعوره , وبين الوهم والإعجاب
لكنك..ساكنة بكياني
فــَ مش ممكن يكون أوهام
وبالمرة مهوش إعجاب
عشان الحب شئ أسمَى
يخليني..
بفكر فيكي طول الليل
والاقيني..أنام أحلم بأوصافك
تسيبيني كما الغرقان
وأحسك جوه تكويني
واشوفك وسط موج البحر..
عروسة بحر بتشيلني
وعند البر..
بلقا كي..تِوَدِيني
واشوفك نجمة تِهْديني
وصوت كروان
بيتغنى بألحاني..ويشجيني
وفجأة بفوق وبتعَصَّب
عشان الحلم ما كملشي..وسبتيني
هشوفك فين فــِ غير الحلم اقولهالك !!
عشان طيفك عشان همسك
عشان شمسك..
أنا عاشق جمال النور
ولو كانت مابينا بحور
راح اركب مركب الأشواق وأوصلك
مانا مشتاق..عشق بَّرِك
أنا عاشقك..
ونفسي بجد
ــ وانا اللي بزرع الأزهار وبرويهاــ
أقولهالك بِعلو الصوت:
جمالك فاق جمال الورد
وأغزلِك من الأشواق جناح عصفور
عشان خاطرك..
يطير بينا لأبعد حد
حبيبتي تانى مـِ الأول , ومـِ الآخر
خلاص القلب مش صابر
ونبضة قلبي هيمانة وبتعافر
عشان بتمنى أوْصَلِّك..وأشوف الحب فــ عنيكي
وأسمعها..
بَحِبَك حب مش عادي
واتوه لما أرتمي فـ حضنِك
وتكمل فرحتي بيكي..
فــِ روحي
وقلبي

الحب ليس فقط كلمات تكتب
ولكن ما يكتب احيانا يجب ان يكتب
لان المشاعر تحتاج الى ان تكون دائما حره طليقه وليست حبيسه داخل القلب فقط
دائما اطلق لمشاعرك العنان
واجعلها تطير محلقه فى سماء العشاق والمحبين

القيصـــــــــــــــــر

الله يا على الكلام حلو بجد طول عمرك متميز تسلم ايدك يا علوه

هوا فعلا يا امل متميز
حتى لسه غلبنى النهارده فى ضربات الجزاء
بس انا الى طعاتفت معاه اصله كان نفسه يكسبنى
لا بجد موضوع جامد يا علوه تسلم ايدك واوعى تزعل منى
انت عارف انت بالنسبالى ايه

فعلا على طول عمره متميز
تسلم ايدك ياعلوه الكلمات جميله

توبيك جاااااااااااااااااامد
تسلم ايدك
فى انتظار ابداعاتك القادمه
تقبل مرورى

لان المشاعر تحتاج الى ان تكون دائما حره طليقه وليست حبيسه داخل القلب فقط
التعبير عن الحب يعتبر ضعف فى نظر الاخرين ودة غلط بس الا ماشى دلوقتى
تسلم ايديك يا قيصر موضوع جميل

» ليه خلتني احبك