عايز تموت عندى الحل

السلام عليكم ورحمة الله وبركاته

عايز تموت .........عندى الحل

عايز تموت من الضحك..

ياتشوف حضره النائب اللي نجح بالتزوير علي الفضائيات بيتكلم عن نزاهة الانتخابات ..

ياتشوف فيلم "غبي منه فيه " وانت حاطط واحد في بالك.

يا تتجوز اتنين .... يا تشتغل فى مستشفى المجانين.

عايز تموت من الغيظ ..

يا تتفرج علي القنوات المحليه ..

يا تتفرج علي النشره الجويه .

يا تسمع لفريد الاطرش اغنية

عايز تموت من الجوع ..

يا تتعارك مع صاحب الفرن ..

يا يسقط اسمك من كشوفات التموين .

يا تشترى شقة.......... يا تشترى عربية بالقسط

عايز تموت من الحزن ..

يا تفكر دايما في احوالك ..

يا تحط الحكومه في بالك .

يا تستنى الاشارة لما تفتح ......... يا تستنى دورك فى طابور التامين الصحى

عايز تموت من الحسره ..

يا تبقي مواطن مصري ..

يا تبقي مواطن مصري.

يا تتفرج على الفاترينات فى سيتى ستارز ............ يا تروح زيارة شرم الشيخ.

عايز تموت شهيد ..

يا تركب قطر ..

يا تركب عباره ..

يا تركب بوكس.

يا اما توقف على طابور العيش

عايز تموت منتحر..

يا تقرأ مقال اللي ما يتسماش ..

يا تتفرج علي "البيت بيتك".

عايز تموت مخنوق ..

ياتروح مصلحه حكوميه ..

يا تقرأ الصحف القوميه .

عايز تموت مشهور ..

يا تتجوز رقاصه ..

يا تنصب علي بنك .

عايز تموت مليونير ..

يا تعمل فيديو كليب ..

يا تلعب كوره .

عايز تموت سعيد ..

يا تطلع حماتك كويسه ..

يا تعدي حياتك من غير ما تقف في سجل مدني .

عايز تموت مرتاح ..

يا تعمل نفسك اهبل ..

يا تنسي انك بني آدم ولك حقوق .

عايز تموت ورا الشمش ؟

يا تشغل مخك ... يا تفتح بوئك.

عايز تموت مرعوب ؟

يا تستنى نتيجة الثانوية العامة ...... يا تستنى نتيجة التحاليل الطبية عند الدكتور.

عايز تموت فى حالك ؟

اعمل نفسك مش واخد بالك.

ويبقى انت اكيد فى.........

هههههههههههههههههههههههههههههههههههههه
يا تسمع لفريد الاطرش اغنية

بس ازاى اسمع فريد الاطراش وهو مش هيسمعنى
مش هو اطراش

يبقى انت اكيد اكيد

فى مصر

مفيش مكان تانى فى العالم فيه الرف ده غير هنا والله
ربنا يكون فى عون الشعب المصرى

زائر

فعلا والله كلامك صح يامحمد
ونسيت انك برده لو عاوز تموت
صاحب ناس وامن لهم
وحب ناس اوى
واثق فى الناس
ساعتها تتخدع تموت
تسلم ايدك
نايس توبيك

زائر

تسلم ايدك ياكبير
توبيك حلو
تقبل مرورى

TONI كتب:: هههههههههههههههههههههههههههههههههههههه
يا تسمع لفريد الاطرش اغنية

بس ازاى اسمع فريد الاطراش وهو مش هيسمعنى
مش هو اطراش

المفروض انا اضحك ولاايه

القيصر كتب:: يبقى انت اكيد اكيد

فى مصر

مفيش مكان تانى فى العالم فيه الرف ده غير هنا والله
ربنا يكون فى عون الشعب المصرى

فعلا ياعلى يبق انت اكيد فى مصر

اسعدنى مرورك

The Queen كتب:: فعلا والله كلامك صح يامحمد
ونسيت انك برده لو عاوز تموت
صاحب ناس وامن لهم
وحب ناس اوى
واثق فى الناس
ساعتها تتخدع تموت
تسلم ايدك
نايس توبيك

واللى اصعب من الخيانه لما تيجى من الصديــــــــــــــــــق

شكلك ايـــــــــــــــــــــــــــــه قدام النــــــــــــــــــــــــــاس

لما الدنيا بحالـــــــــــــــــــــــها تقول انك غشاش

ولا تبيع صاحبك علشان واحده متسواش

بس ياريتك بعته بتمن وما بعته بلاش

مرسى ليكى ياصافى

هدير كتب:: تسلم ايدك ياكبير
توبيك حلو
تقبل مرورى

حبيب قلبى هدير

نورتى التوبيك

هههههههههه طرق ميه ميه وكمان صافى قالت حاجه حلوة اوى

» لو عايز تشوف ابناءك فى المستقبل
» قاموس الروشنه الناطق لو عايز تبقي صايع هنصيعك خش بقلبك
» عايز احلى ترحيب و تحية من احلى شباب في مصر